Исцеление иконой Воскрешающая Русь

Акафист иконе Воскрешающая Русь, молитва
 
АКАФИСТЪ ПРЕСВЯТЕЙ ВЛАДЫЧИЦЕ НАШЕЙ
БОГОРОДИЦЕ
 ВЪ ЧЕСТЬ ЧУДОТВОРНЫЯ ИКОНЫ ЕЯ «ВОСКРЕШАЮЩАЯ РУСЬ»  

Кондакъ 1

Избранней от всех родовъ Заступнице и Покровительнице всего рода человеческаго, благоволившей явитися намъ во образе чуднемъ, хвалебное пеше приносимъ Ти грешим и просимъ спасти многострадальную страну нашу и сотворити ю якоже иногда Русь Святую, да зовемъ ти: Радуйся, Мати Божiя, Русь Воскрешающая.

Икосъ 1

Егда явилася еси Ты, красото неизреченная, Ользе, яже молися въ день Покрова Твоего, вся вселенная со всеми тварями земными возрадовася. И укрывавши Ты, Приснодево, всю землю Покровомъ чуднымъ, кресторасписнымъ. И очищается земля от скверны. И души людей, прммающихъ Тя въ сердце свое, просвещаются и къ Богу устремляются. И несть человека, иже пребысть безъ Покрова любы Твоея. Сего ради вопiемъ Ти сице:
Радуйся, Дево, чистого несравненная;
Радуйся, забото о нашей многострадальней
стране проявленная.
Радуйся, всехъ Своимъ белоснежнымъ
омофоромъ покрывающая;
Радуйся, Свой любимый Уделъ
прославляющая.
Радуйся, преподобнаго Серафима
возлюбившая;
Радуйся, Руси нашей благоволившая.
Радуйся, Радостей Всехъ Радость
неизреченная;
Радуйся, яже отверзаеши намъ дверь ко
спасенiю.
Радуйся, Мати Божiя, Русь Воскрешающая.

Кондакъ 2

Весь миръ взываетъ къ Тебе о помощи, Царице Небесная, и проситъ Твоего заступленiя. Ты же, возлюбивши страну нашу, милостивно пришла к любимичу Своему Серафиму въ Четвертый Свой Удел, аки солнце, излучающая светъ, дабы возродити Русь Святую.
Мы же со слезами умиленiя взирая на дарованный намъ образъ Твой Святый «Воскрешающая Русь», поемъ рождшемуся
изъ Тебе Богу: Аллилуiа.

Икосъ 2

Преподобному Серафиму, на смертнемъ одре
лежащу явилася еси Ты, Преблагая Дево, со
святыми апостолы Петромъ и Iоанномъ, и
рекши: "Сей есть отъ рода нашего", исцелила
его. Старецъ же, Тобою возлюбленный и
избранный, по Твоему благословенiю обитель
дивную устрояетъ и святою канавкою ю
обводить, юже Ты стопочками Своими
Святыми обошла, обитель же сiю Уделомъ
Своимъ назвала, отнюдуже начнется спасенiе
Россiи.
Мы же чудесамъ симъ дивяся, хвалебное
пенiе приносимъ:
Радуйся, Радосте наша несказанная;
Радуйся, Спасение всей вселенней
породившая.
Радуйся, животъ намъ чрезъ сына своего
даровавшая;
Радуйся, Серафима батюшку исцелившая.
Радуйся, Россiю уделомъ Четвертымъ
наделившая;
Радуйся, преподобного Серафима въ
помощники себе взявшая.
Радуйся, чудесами велiими любимича Своего
прославившая;
Радуйся, обители Дивеевстей благоволившая. Радуйся, Мати Божiя, Русь Воскрешающая.

Кондакъ 3

Старецъ Iеронимъ благоговейно прiявши образъ сей во обители Санаксарстей, усердно молися предъ нимъ за всю страну нашу, по семъ же благослови везти его во Уделъ Четвертый къ Серафиму батюшке, се бо место cie Самою Царицею Небесною указано. Мы же Подвигоположнику и Спасителю нашему вотемъ: Аллилуiа.

Икосъ 3

И услышали яже уши имутъ про образъ сей
и воспрянули сердца и души людей всея
земли.
И возжелали воздати Матери Божiей честь и
поклоненiе.
Радуются Херувимы и Серафимы на небеси.
Съ ними же и мы немолчно вотемъ:
Радуйся, Пренепорочная и Честнейшая
Херувимъ;
Радуйся, Славнейшая без сравнения
Серафимъ.
Радуйся, Ангеловъ Главная;
Радуйся, молитвенница за нас непрестанная.
Радуйся, с любовiю насъ всехъ
вразумляющая;
Радуйся, явленiемъ Своимъ насъ всехъ
очищающая.
Радуйся, разумъ нашъ светомъ Своимъ
просветляющая;
Радуйся, прощати обидящихъ насъ
научающая.
Радуйся, Мати Божiя, Русь Воскрешающая.

Кондакъ 4

Удививши всехъ явленiемъ Своимъ, Ты пришла къ намъ въ белоснежнемъ наряде чистоты, кротости и смиренiя и укрыла всехъ насъ святымъ омофоромъ веры, надежды и любови, дабы воскресити Русь Святую нашу. Сего ради мы, славяще воскресшаго и воскрешающаго Бога, немолчно взываемъ: Аллилуiа.

Икосъ 4

Ты яко любящая Мати пришла къ чадамъ Своимъ, да подаси руку помощи всемъ съ верою и любовiю къ Тебе притекающимъ дабы открыти очи духовные смиреннымъ и наставити на путь праведный заблудшихъ. Мы же яко чада Твоя благодарно Тебе вопiемъ:
Радуйся, чистото Преблагословенная;
Радуйся, прошенiя наши скоро исполняющая.
Радуйся, грехи наши любовiю Своею
покрывающая;
Радуйся, открывшая путь къ воскрешенiю.
Радуйся, печаль и уныние прогоняющая;
Радуйся, бесовъ далече отъ насъ
отгоняющая.
Радуйся, тишину и покой душамъ нашимъ
принесшая;
Радуйся, счастье в любви посылающая;
Радуйся, Мати Божiя, Русь Воскрешающая.

Кондакъ 5

Явившеся Ти, Мати Божiя, во образе семъ, верующiи возрадовашася, а невернiи удивляхуся и породи сомнежя и невер!е въ душахъ своихъ. Мы же припадаемъ Ти, грешныя и окаянныя, и просимъ прощения за народъ нашъ и за весь родъ человечъ. Подай нам глусимъ и слепымъ очей прозренiе, да узримъ Тя и услышимъ душею и сердцемъ. Помози намъ достойно, с честiю и поклоненiемъ прияти новое явленiе Твое во образе «Воскрешающая Русъ», да возблагодаримъ сына Твоего и Бога нашего: Аллилуiа.

Икосъ 5

Яко Ты, Мати Спасителя нашего, пострада, и
коп!е сердце Твое прошло, егда Сынъ Твой
безгрешный на кресте вися и велiя страданiя
приемша, указуя на Iоанна, глагола Ти: "Жено,
се сынъ твой". Потомъ же глагола Iоанну: "Се
мати твоя". И тако благоволи всехъ насъ
грешныхъ подъ Покровъ Твой Святый. Ты же
смиренно повинуяся Воле Божiей стала
Матерiю всего рода человеча съ верою къ
Тебе притекающаго. Мы же со благодаренiемъ
Сыну Твоему и Тебе вошемъ:
Радуйся, Защитница и Покровительница Руси
милосердная;
Радуйся, заботою Своею матернею насъ
согревающая.
Радуйся, козни и напасти бесовcкiя
разрушающая;
Радуйся, скорая помощнице во всехъ делехъ
и стено нерушимая.
Радуйся, очи духовные намъ всемъ
отверзающая;
Радуйся, любити всехъ любовiю Христовою
научающая.
Радуйся, отъ бедъ и невзгодъ насъ всехъ
ограждающая;
Радуйся, доброто и любы безконечная.
Радуйся, Мати Божiя, Русь Воскрешающая.

Кондакъ 6

Не даруетъ Господь воскрешенiе Руси, аще не обратимся къ Богу и не будемъ исполняти заповеди Его. Се бо погрязъ родъ человечъ въ распутстве и предался сатанинскому обольщенiю. Горе намъ, яко забыли мужы и жены благочестiе и за умноженiе беззаконiй нашихъ иссякаетъ въ насъ любовь, Богомъ намъ дарованная. Ты же, Мати Божiя, благочестивыхъ семей мудрая устроительнице, снизошла еси изъ святая святыхъ на землю, да научиши насъ, грешныхъ, любити другъ друга любовiю чистою, яже не превозносится, не раздражается, не мыслить зла, долготерпитъ, вся прощаетъ, всему веру емлетъ, вся покрываетъ. Помози намъ немощнымъ воскресити чистоту, непорочность и доверiе въ семьяхъ нашихъ, да очищеннымъ сердцемъ славимъ Бога: Аллилуiа.

Икосъ 6

Ты, Пресвятая Дево, явилася еси даромъ смиреннымъ родителямъ Твоимъ, молитвами
ихъ испрошенная. Tiи же привели Тя, трехлетнюю отроковицу ко храму Господню и посвятили Единому Всевышнему. И стала Ты Игуменiю всея земли и Молитвеннщею за весь родъ человеческiй. Сего ради мы грешнiи к Тебе взываемъ со смиренною мольбою: Всепречистая и Непорочная Мати Бога нашего, Воспитательница милосердная, возьми чадЪ' нашихъ подъ Свой святый Покровъ, да будутъ сiи и Твоими чадами. Научи ихъ смиренiю, целомудрiю и почитанiю старшихъ. Насъ же вразуми чадъ раждати и воспитати на служенiе Богу, грядущему Царю и Отечеству. Научи ихъ страху Божiю, благоговенiю и любови къ ближнимъ, да ходятъ они въ заповедяхъ Божiихъ. Да будутъ чада наши въ радость намъ, а не въ наказанiе, наипаче же въ радость Богу, Тебе и Ангеламъ святымъ. И тогда возродится Русъ Святая, а мы Тебе воспоимъ:
Радуйся, Воспитательница наша и детей наших усердная;
Радуйся, Богомъ Дщерью Своею нареченная. Радуйся, родителей своихъ съ любовiю почитающая;
Радуйся, образъ кротости и смирения намъ являющая.
Радуйся, с трiехъ летъ Богу служившая; Радуйся, радость несказанную родителямъ своимъ принесшая.
Радуйся, всему роду человеческому спасенiе
подарившая;
Радуйся паче всехъ Бога возлюбившая.
Радуйся, Мати Божiя, Русь Воскрешающая.

Кондакъ 7

Святый Николае, Угодниче Христовъ, воистинну великий Чудотворецъ ты еси, вси народы земли почитаютъ тя и величаютъ правиломъ веры, образомъ кротости и смиренiя. Царица же Небесная благоволила явитися тебе с Сыномъ Своимъ на Никейстемъ Соборе, да покажутъ, яко угодна Имъ ревность твоя о чистоте веры Христовы, и да вернутъ ти омофоръ святительский. Ныне же Владычица взяла тя въ помощники свои, да приводиши насъ ко спасенiю, молишися непрестанно за малое стадо и за весь родъ человечь и немолчно взываеши къ Богу: Аллилуiа.

Икосъ 7

Дивны дела Твоя, Господи. Велика и всесильна помощь Твоя. Ты приходиши к намъ, Всемогущiй, в самые тяжкiе и страшные
времена, да не погибнемь от бедъ и напастей
земныхъ. И ныне мы взираемъ на Дщерь Твою
Преблагословенную во образе
«Воскрешающая Русь» и восхваляемъ Тя,
Господи: Святъ, святъ, святъ, Господь
Саваофъ. Тебе же, Пречистая Мати Божiя, мы
воздаемъ честь и поклоненiе, да ублажать Тя
вси роди:
Радуйся, Царица Небеси и земли
преблагословенная;
Радуйся, Дево Всепречистая, Преблагая и
смиренная.
Радуйся, Богомъ Всемогущимъ
прославляемая;
Радуйся, всеми родами земными ублажаемая.
Радуйся, небеса явленiемъ своимъ
отверзающая;
Радуйся, новымъ образомъ своимъ Бога
прославляющая.
Радуйся, помощь свою нам посылающая;
Радуйся, днесь по земли русской яко
Владычица державная ступающая.
Радуйся, Мати Божiя, Русь Воскрешающая.

Кондакъ 8

Воистину, Господи, Ты долготерпеливъ и милосердъ. Мы отреклись отъ помазанника Твоего, осквернили святыни Твои, сотворили себе кумировъ и поклоняемся имъ. А Ты, Всемилостивый, не отвергаеши насъ и толцеши въ сердца наша, да отверземъ ихъ для покаянiя. Ныне же Ты посылаеши Матеръ Свою Преславную въ белоснежнемъ одеянiи чистоты и непорочности, да очиститъ Она души и сердца наша и да научитъ пети Тебе: Аллилуiа.

Икосъ 8

О, Премилостивая Царице и Владычице, коль мерзки грехи наша. Оставили мы заповеди сына Твоего, впали въ маловерiе, лжу, малодушiе и клятвопреступленiе. Мы осквернили землю, отступили отъ Творца своего и обратилися къ греховнымъ услажденiямъ. Забыли мы яко токмо кротцыи наследятъ землю, токмо милостивiи помиловани будутъ, токмо миротворцы сынове Божiи нарекутся. Прости нас, заблудшихъ и окаянныхъ. Даруй намъ образъ покаянiя, да искупимь грехи наши. Се бо не ведали мы и предки наши, яже творили. Ты, милая наша заступнице и любящая мама, пришла къ намъ, дабы возстановити святые обители и храмы Божiи. Ты входиши въ нихъ и освещаеши их любовiю своею и идеже Ты пройдешъ, возсияетъ благодать Божiя и
насельники ихъ и молящiися въ нихъ
возопiютъ:
Радуйся, Пресвятая Богородице, помощница в
делехъ благихъ усердная;
Радуйся, къ намъ, многогрешнымъ
милосердная.
Радуйся, путь к благочестiю намъ
отверзающая;
Радуйся, насъ, во гресехъ погрязшихъ, не
отвергающая.
Радуйся, храмовъ Божiихъ и обителей
святыхъ устроительнице;
Радуйся, сирымъ и алчущимъ подательнице.
Радуйся, землю нашу дарами щедрыми
осыпающая;
Радуйся, чудесами своими на земли Бога
прославляющая.
Радуйся, Мати Божiя, Русь Воскрешающая.

Кондакъ 9

Ты, Дево Пресвятая, красоты духовной славное вместилище. Красоту смиренiямъ намъ явившая и веру непостыдную въ насъ укрепляющая. Ты, Всецарице, подаеши помощь Свою всесильную кроткимъ и уверовавшимъ въ Сына Твоего. Ты же вразумляеши непокорныхъ и тщеславныхъ. Сего ради мы взираемъ на образъ Твой чудный и радостно вопiемъ Рожденному Тобою: Аллилуiа.

Икосъ 9

По грехамъ нашимъ и воздаянiе намъ.
Попущенiемъ Божiимъ постигло насъ
разоренiе и разделенiе страны нашея,
оскверненiе святынь, растленiе детей нашихъ,
разрушенiе хозяйства и армiи, разпродажа
иноплеменнымъ земли, яже есть достоянiе
Божiе и Домъ Пречистыя. И ныне Ты пришла
къ намъ напомнити намъ о заповедяхъ
Божiихъ, спасти заблуждшихъ, возвратити
намъ духъ смиренiя, сокрушенiя сердечнаго и
спасти Русъ, яже есть последнiй оплотъ
Православiя и Христова благочестiя. Сего
ради мы съ любовiю и благодарностiю
поклоняемся новоявленному образу Твоему
Святому и воспеваемъ Тя:
Радуйся, Пресвятая, кроткихъ и милостивыхъ
защито неодолимая;
Радуйся, Пречистая, руку помощи сирымъ и
убогимъ простирающая.
Радуйся, въ добродетеляхъ и почитанiи
старшихъ наставляющая;
Радуйся, страхъ смерти и болезни въ душахъ
нашихъ побеждающая.
Радуйся, благодатную силу исцеленiя
просящимъ подающая;
Радуйся, от проказы греховныя насъ
избавляющая.
Радуйся, живоносный источниче, радостiю и
любовiю жаждущихъ напояющая;
Радуйся, Царице Державная и земли Русской
покровительнице.
Радуйся, Мати Божiя Русь Воскрешающая.

Кондакъ 10

О, Пречистая Владычице, Ты услышала молебные взывания молитвенниковъ земли русскiя и плачъ женъ и матерей и пришла укрыти многострадальную страну нашу Покровомъ просветляющимъ, да узримъ вси путь и къ воскрешенiю душъ своихъ и воспоемъ Богу: Аллилуiа.

Икосъ10

Икона Твоя, Владычице, изливаетъ благоуханiе несказанное. Се бо Ты Сама пребываеши съ нами, грядеши по земли, Тебе посвященней яко Домъ Пречистыя и по Царству Твоему, темъ самымъ глаголя: "Аз есмь с вами и никтоже на вы". Людiе же, любящiя Тя чада Твоя, со слезами умиленiя припадаютъ и лобызаютъ чудный образъ
Твой, принося хвалебное пене:
Радуйся, узорешительнице страны нашея отъ
ига иноплеменнаго усердная;
Радуйся, въ предстоящихъ испытанiяхъ
нашихъ помощница крепкая и милосердная.
Радуйся, справедливая и строгая враговъ
Христовыхъ вразумительнице;
Радуйся, честнаго и животворящего Креста
Господня Проповеднице.
Радуйся, от напастей земных и междоусобныя
брани избавительнице;
Радуйся, от обольщенiй и искушений вражiихъ
защитнице.
Радуйся, помощи скорыя въ недузехъ и
скорбяхъ подательнице;
Радуйся, предъ Богомъ за страну нашу
усердная молитвеннице.
Радуйся, Мати Божiя, Русь Воскрешающая.

Кондакъ 11

Никтоже, приходящiй с верою къ иконе «Воскрешающая Русь», не отыде не утешенъ. И дивятся людiе чудеснымъ исцелениямъ душевнымъ и телеснымъ от образа Твоего, мы же, славящи Тя, съ благодаренiемъ вопiемъ сыну Твоему и Богу нашему: Аллилуiа.

Икосъ11

Подаеши Ты, Царице Небесная, исцеленiя
болящимъ и немощнымъ. И поражаеши Ты
бесовъ силою Своею отъ иконы исходящею.
Мы же благодарне съ любовiю къ Тебе,
Царице и Заступнице нашей усердной, поемъ:
Радуйся, целительнице и спасительнице душъ
нашихъ милосердная;
Радуйся, Печальнице и Молитвеннице за насъ
немощныхъ всепетая.
Радуйся, от мудрованiя и неповиновенiя Воле
Божiей уберегающая;
Радуйся, всякую тесноту души нашея
разрешающая.
Радуйся, чудесами исцеленiй всехъ
удивляющая;
Радуйся, простоте душевней научающая.
Радуйся, умягченiе злыхъ сердецъ и
погибшихъ взысканiе;
Радуйся, радосте более всехъ радостей
несказанная;
Радуйся, Мати Божiя, Русь Воскрешающая.

Кондакъ 12

Егда слепый рабъ Бож!й Михаилъ усердно помолися предъ образомъ Твоимъ, Владычице, очи его приоткрышася и все удивляхуся чуду сему.

Молитва ко Пресвятей, Пречистей, Преблагословенней Славней Владычице нашей, Богородице и Приснодеве Марш предъ чудотворнымъ образомъ Ея «Воскрешающая Русь»

О, Пречистая и Преславная Богородице, Воскрешающая Русь назвавшаяся! Покрый грехъ нашъ предъ Единымъ Триипостаснымъ Богомъ, се бо не единожды согрешили во дни испытанiй, не устояли въ Вере Православней и не защитили святаго Царя Православного, помазанника Божiя отъ рукъ безбожныхъ, сами надели на себя ярмо иноплеменныхъ. Принося покаянiе за грехи наша, молимъ Тя, Царице наша Державная, заступись за ны и спаси землю Русскую от поругания, от глада и тартара, даруя народу русскому Царство Православное с Царемъ, Богомъ избраннымъ. Покрый насъ отъ всякаго зла Покровомъ Своимъ всечестнымъ. Спаси души наши от ада и мукъ вечныхъ за грехи наши намъ уготованныя. Подаждь намъ грешнымъ душевное и телесное исцеленiе. Очисти отъ всякiя скверны землю нашу, храмы и монастыри наша, души наша. Воскреси Русь Святую, да послужимъ верою и правдою сыну Твоему и Богу нашему Господу Iисусу Христу,
Тебе и Грядущему Царю во славу Отечества нашего всегда, ныне и присно и во веки вековъ. Аминь.

Тропарь празднику иконы Богородицы "Воскрешающая Русь" Гл.4

Ты, Пресвятая Дево, / чудесное света излученiе, / подаеши намъ простоту душевную, /чистоту небесную,/ от телесныхъ и душевныхъ немощей избавленiе / и радость неизреченную. / Мы чтимъ святое Твое изображенiе, / на Руси обретенiе, / и поклоняемся Тебе, Мати Божiя, / и просимъ предстательства Твоего и заступленiя / и воздаемъ Тебе, Надеждо наше и Упованiе, / честь и поклоненiе.

Ин тропарь Гл.2

Воскреси души наша, Владычице, / помози иго благое въ сердцахъ понести, / просвети землю Русскую, /в беззаконiя впадшую, / низпошли покаянiя кресты золотыя, / вразуми ны, яко Ты еси воистину Русь Воскрешающая.

Величанiе

Величаемъ, величаемъ Тя, / Пресвятая Дево, / и чтимъ Покровъ Твой честный,/ имже насъ очищаеши / и Русь Святую воскрешаеши.

Ино величанiе

Величаемъ, величаемъ Тя, / Пресвятая Дево, / Богоизбранная Отроковице, / всю землю Покровомъ Своимъ очищающая / и Русь Святую воскрешающая.
Празднованie иконы
12 декабря